LAOAG CITY – Saanen nga immabante ti Filipino tennis star Alex Eala iti W100 Bengaluru kalpasan nga inatiw isuna ti lower-ranked Slovenian tennis player a ni Dalila Jakupovic.
Dinominar ni Jakupovic ti match, 4-6, 4-6 iti uneg ti maysa nga oras ken 21 a minuto, daytoy ket maysa a wagas tapnp makastrek iti quarterfinals iti nasao a torneo.
Iti umuna a paset ti match ket nagbalin nga ‘easy win’ ti laban para ken ni Eala ngem iti kamaudiananna ket nagballigi ti kapadasan ti agtawen iti 33 a ni Jakupovic kontra iti 19 a Pinay star.
Saan metten a nakasubbot pay ni Eala iti maudi a paset ti match agingga iti maika-10 a game gapu ta saanen nga inpalubos pay ti batikan a World No. 213 ken naan-anay nga inbulsana ti maudi a laban.
Iti panagabante ni Jakupovic iti quarterfinals, makasangona ni Linda Fruhvirtova ti Czechoslovakia.
Nagtalinaed met a World No. 136 ti Pinoy tennis star.
