LAOAG CITY – Nakapokus ni Pinay netter Alex Eala ti pannakilabanna iti French Open a mangrugi inton Domingo idiay Paris, France.
Adda pay ti sumagmamano nga aldaw tapno dumalan iti naiget nga ensayo tapno masigurado a nakasagana daytoy para iti nasao a Grand Slam event.
Nakastreken iti main draw ni Eala iti French Open.
Manamnama nga iparuk-at dagiti organizers ti draw inton Sabado no sadinno a maammoan ti makabinnalubalna iti opening round.
Aggapu ni Eala iti napaay a kampania iti Internationaux de Strasbourg kalpasan a nasapa a naabak iti ay-ayam.
Nakaala ni Eala ti 6-3, 5-7, 3-6 desision iti ima ni qualifier Oleksandra Oliynykova ti Ukraine iti first round.
