LAOAG CITY – Nakastreken iti quarterfinals iti 33rd Southeast Asian (SEA) Games ni Pinay tennis star Alex Eala kalpasan a nakaawat ti first-round bye iti women’s single tennis.
Ti agtawen ti 20 ken ranked 52 iti intero a lubong ket agay-ayam iti SEA Games nga addaan ti kangatoan a ranking.
Sumaruno a makalaban na ti mangabak iti nagbaetan da Shihomi Leong iti Malaysia wenno ni Aliya Vongdala iti Laos.
Adda pay ti posiblilidad a makalaban ni Eala ni Priska Nugroh iti Indonesia ti masansan a kadua na iti doubles kadagiti international tournaments.
Malaksid iti daytoy ket makilaban pay ni Eala iti mixed doubles kadua na ni Nino Alcantara a mangipaay ti napigsa a kombinasyon ti pagilyan iti torneo.
