LAOAG CITY – Siguradon ti pannakipaset ti Pinay tennis sensation a ni Alex Eala iti quarterfinals ti Miami Open.
Daytoy ket kalpasan a simmanud ni Paula Badosa ti Spain manipud iti tournament.
Rumrummuar a gapu iti rikriknaenna nga injury, saanen a kabaelan ni Badosa a makipaset iti sumaruno a match.
Gapu kadagiti adjustment, otomatiko a nakastrek ni Eala iti quarterfinals ti prestihioso a torneo.
Ti agtawen ti 19 a Filipina ket agtultuloy nga agar-aramid ti pakasaritaan iti tay-ak ti tennis nangruna a daytoy ti umuna a gundaway a makadanon iti nasao nga antas iti maysa a WTA 1000 a torneo.
Daytoy a balligi ket maysa a dakkel nga addang para iti Philippine tennis ken sigurado a mangipaay ti inspirasion kadagiti agtutubo nga atleta iti pagilian.
Iti agdama, sangoen ni Eala ti mangabak iti laban da Iga Swiatek ken Elina Svitolina para iti sumaruno a round.
