LAOAG CITY – Napaay iti umuna a round ti Internationaux de Strasbourg ti Filipina tennis star a ni Alex Eala kalpasan a naabak kontra iti Ukrainian qualifier Oleksandra Oliynykova, 6-3, 5-7, 3-6.
Iti babaen ti 16-degree cloudy conditions iti Centre Court, nangrugi ni Eala a naannayas ken naala ti umuna a set kalpasan nga ipakita ti determinasion pakairamanan ti maysa a balligi a dropshot winner.
Nairekordna ti umuna a set, 6-3 iti baet ti komplikado nga estilo ni Oliynykova a napnoan ti looping shots, slices ken drop shots.
Nupay kasta, iti maikadua a set, nasubbot ni Oliynykova ken pinilitna ni Eala nga agaramid ti errors isut gapuna a naikabil ti set iti Ukrainian, 7-5.
