LAOAG CITY – Ngimmato pay iti Women’s Tennis Association rankings ni Pinay tennis star Alex Eala.
Manipud iti dati a world number 75 ket nagbalinen a world number 73 daytoy.
Ti nasao a panagngato ti rankings ket gapu iti panagballigina iti Miami Open games no sadinno a nakastrek daytoy iti semifinals.
Agsagsagana pay daytoy para iti pannakipasetna iti Oeiras Ladies Open a maisayangkat idiay Portugal a maysa a Women’s Tennis Association 125 event inton Abril 14.
Sarunoen daytoy ti Madrid Open inton Abril 22 kas ti Miami Open a daytoy ket maysa a WTA 1000 no sadinno a makipaset pay daytoy iti Women’s Tennis Association 125 event iti Catalonia Open idiay Vic, Spain.
Agtultuloy ti labanna inton Mayo 6 iti Women’s Tennis Association 1000 event idiay Rome a sarunoen ti Parma Ladies Open a maysa a Women’s Tennis Association 125 tournament idiay Parma, Italy inton Mayo 12.
Maipalagip nga iti Miami Open ket inabakna ti tallo a Grand Slam champions nga isuda Iga Swiatek, Madison Keys ken Jelena Ostapenko ngem napaay daytoy iti ima ti world number 4 a ni Jessica Pegula iti semifinals.
