LAOAG CITY – Kinumpirmaran ti asawa ti celebrity personality a ni Alex Gonzaga a ni Mikee Morada a naminsan manen a naalisan ti asawana iti maikatlo a gundaway.
Inaramid ti kumpirmasion iti latest vlog ti kabsat ni Alex a ni Toni Gonzaga no sadinno nga inburay ni Mikee ti napasaran ni Alex.
Kunana nga idi damo ket saanda a ninamnama ti panagsikog ni Alex gapu ta saanda pay daytoy a plano.
Karaman kadagiti immuna a pinagpilianda ket ti In vitro fertilization (IVF) a natural ngem kasapulan latta nga isagana ti pammagbagi ken salun-at ni Alex.
Kalpasan a dimmalan iti serye ti check up iti OB/GYN ti aktres, nakumpirmaran a daytoy ket masikog ngem saan a nagbayag ket naaddaan ti kumplikasion.
Inlawlawagna nga agpadada a naladingitan gapu iti napasamak gapu ta namin-adu a daras dagitoyen a pinadasda a maaddaan ti anak.
Immuna a naalisan ni Alex idi 2021 ken simmaruno idi 2023.
Mamati met ni Mikee a daytoy a pannubok ket ad-adda a mangpatibker iti relasionda kas agasawa.
