LAOAG CITY – Nabirukan ti maysa a residente iti Barangay 20 ditoy ciudad ti Laoag ti maysa nga alibot nga addaan ti dua nga ulo.
Segun kenni Mr. Nathaniel Guererro, nakita ti ipag na ti alibot a maipagarop a nabiit pay laeng a napissaan.
Kunana a bayat ti panagdalos ti ipag na iti electric fan ket nakita na ti bassit nga alibot iti kanal a pagayusan ti danom manipud iti banyo da.
Inlawlawag na a maipagarop tallo agingga iti uppat nga aldaw a nagbiag ti alibot ngem pimmusay kalpasan nga insupot ti ina na ken saan a nakaanges.
Inbatad na a damo na laeng ti makakita ti alibot nga addaan ti dua nga ulo ken patyen na nga adda ti deperensya na bayat nga itlog pay laeng.
Naamoan a ti alibot ket agatiddog ti lima a sentimetro, addaan ti dua nga ulo, dua nga agong, dua a ngiwat ken uppat ti mata na.
