LAOAG CITY – Maposasan ni dismissed Bamban, Tarlac Mayor Alice Guo ngem agusar ti bulletproof vest kabayatan a nakapalawlaw kenkuana dagiti police escorts na iti panagturong na iti senado tapno agatendar ti legislative investigation mainaig iti illegal Philippine Offshore Gaming Operators (POGOs).
Daytoy ti inbatad ni Philippine National Police (PNP) Spokesperson Police Colonel Jean Fajardo.
Segun ken ni Fajardo, ti convoy ni Guo ket pumanaw iti Philippine National Police Custodial Center iti Camp Crame, Quezon City iti oras ti alas-otso ita a bigat ken ti schedule ti senate hearing ket alas-diyes ita metlaeng a bigat.
Kuna pay ni Fajardo a no ibilin iti senado a maikkat ti posas ni Guo ket isunto laengen ti pannakaikkat na.
Innayon na a malaksid kadagiti kameng ti pulisya nga agbantay kenni Guo ket adda pay dagiti miembro ti Special Weapons and Tactics (SWAT).
Maipalagip a naiget a naglikudan ni Guo dagiti akusasyon kenkuana mainaig iti maipagarop nga illegal nga aktibidad ti Zun Yuan Technology Incorporated, pakairamanan ditoy ti human trafficking ken illegal detention.
Inpetteng na a ti Human trafficking, torture, ken illegal detention ket maibilang a nakaam-ames a krimen a saanna pulos nga i-tolerate ken ad-adda manen a saanna a kayat nga aramiden.
