LAOAG CITY – Napintas iti panagleppas iti tawen 2025 kadagiti residente iti Metro Gabu ditoy ciudad ti Laoag gapu ta naidanon ti kaunaan nga ALISTO SERBISYO iti mismo a lugarda.
Ditoy a naipaay ti nagduduma a serbisyo kas iti serbisyo medikal pakairamanan ti dental, ramit para kadagiti mangngalap ken maanalon, trabaho, edukasyon, social ken veterinary services, ken dadduma pay.
Narekognisar ken naipaayan ti benepisyo dagiti Milestone Awardees, ken assistive devices met kadagiti addaan ti rangkap ti bagi a maibilang a dakkel a tulong gapu ta saandan a marigatan a magna pay.
Maysa pay a prayoridad ti administrasion ni Mayor James Bryan Alcid ket iti pannakapatalged ti salun-at dagiti Laoagueños.
Kabayatanna, agbalin a regular daytoy nga aktibidad kadagiti nagduduma a barangay para ti naan-anay ken maipangpangruna a serbisyo kadagiti umili.
