LAOAG CITY – Naarestar ti maysa nga ama kalpasan a maipagarup a nangabandonar ti asawa ken anakna.
Segun ken ni P/Lt. Col. Adrian Gayuchan, Hepe ti Batac City Police Station, nabigbig ti suspek a ni Donald Baga, agtawen ti 36 ken residente ti Barangay Palpalicong iti siudad ti Batac.
Inbatadna a natiliw ti suspek babaen iti bileg ti warrant of arrest nga inparuk-at ni Presiding Judge Felix Salvador gapu iti panaglabsingna iti Republic Act No. 9262 wenno ti Violence Against Women and their Children Act.
Inlawlawagna nga inpila mismo ti asawa ti suspek ti kaso idi tawen 2024 gapu ta maipagarup a saanna a supsuportaran dagiti aginana.
Innayonna a nairekomendar ti 65 a ribu a pisos a pagpiyansa ti suspek para iti temporario a pannakawaya-wayana.
