LAOAG CITY – Naragsak nga inpakaammo ni Ilocos Norte 2nd District Rep. Angelo Marcos Barba nga addan iti maikapito a tawen ti AMB Beach Volleyball.
Segun kenkuana, ad-adda pay ti pannakaipaiget ti panagbinnuligda iti Provincial Sports and Development Office nga idadauluan ni Mrs. Helen Rose Domingo ken ti Sports Consultant ti Ilocos Norte Sports Development Office a ni Mr. Faivo Bartolome.
Inbatadna nga adda pay dagiti local officials manipud iti ili ti Badoc, Pinili, Currimao, Banna ken dadduma pay.
Inlawlawagna nga agtultuloy daytoy a programa agingga inton tawen 2028.
Mainaig iti daytoy, inpannakkel ni Cong. Barba a babaen ti AMB Beach Volleyball ket adda dagiti naasa ti talentona agingga a nagbalin a nalatak nga umaayam kas ken ni Czarina Ramos ti JRU Ladies Spikers.
Kunana a planoda pay a mang-recruit kadagiti lallaki nga umaayam iti volleyball kadagiti nagduduma a college ken university kas ti Colegio de San Juan de Letran ken Adamson University.
