LAOAG CITY – Inpakaamo ni Ms. Antonette Bareng, mangidadaulo ti Business Permit and Licensing Office ditoy ciudad ti Laoag a bassit pay laeng dagiti nagturong iti opisina da tapnu mangala iti business permitna nga ambulant vendors ditoy siudad.
Kunana nga apaman a nangrugi iti panagparehistro dagiti permit ket mabil-bilang pay laeng dagiti agturturong kadakauda.
Segun kenni Bareng, silulukat ti opisinada agingga intono Enero 20 para iti panagala iti business permit para kadagiti ambulant vendors.
Inpakaamo na a napinpintas no mapan da iti nasapsapa tapnon saan a mairikepan dagitoy sakbay nga agngudo iti aldaw a panagalada.
Mainaig iti daytoy, kunana idi nalapalabas a tawen adda dagiti naikkan da ti permit wenno nakarehistro iti opisinada nga agarup 149 ken namanama nga ita a tawen ket adado pay dagiti maikkanda agsipod ta ado dagiti makitkitada nga aglaklako ito aglawlaw ditoy siudad.
Kabaytanna binalaagan ni Bareng a masapol a dagiti ambulant vendors ket saan a mapmapan kadagiti maiparit a paglakwan ken sumurot kadagiti pagganurutan tapno awan iti tumaod a problema.
