LAOAG CITY – Inawagan ni Ossman Darwiche, American citizen, agtrabtrabaho iti Florida International University, idiay Miami Florida a dakkel a gulo ti pannakarpoog ti pedestrian brigde iti asideg ti nasao nga unibersidad.
Daytoy ket kalpasan a pimmusay dagiti innem a tattao ken posible nga umado pay apaman a maiclear ti kalsada.
Segun kenni Darwiche, nairekep ti 117th Avenue agingga iti 107th avenue, iti paset ti 8th street Miamikalpasan ti insidente.
Kuna na a possible a malpas ti clearing operation dagiti otoridad intono tapos iti daytoy a bulan ti Marso.
Innayon ni Darwiche a dakkel a nakaapektar kenkuana ti panagtrabaho na iti unibersidad gapu ta dumalan iti sabali a kalsada ken daytoy ket ad-adayu.
Kabayatanna, naladingit ni Darwiche a pimmusay ti maysa kadagiti estudyante da.
Binigbig na ti biktima nga estudyante a ni Alexa Duran kalpasan a natrap iti kotse idi narpoog ti pedestrian bridge iti sango mismo ti unibersidad.
Kuna na a malaksid dagiti immuna nga innem a pimmusay ket 10 a tattao pay dagiti kritikal a manarimaan a maag-agasan iti kaasetgan nga ospital.
Saan a masinunuo ni Darwiche no adda dagiti Pilipino wenno dual citizen nga Pilipino-American kadagiti nairaman iti insidente.
Ni Darwiche ket tubo ti Israel ken nabayagen nga agnanaed idiay Florida kadua na ti nobya na a Filipina
