LAOAG CITY – Pimmusayen ti American singer-songwriter a ni Angela Bofill iti tawenna a 70.
Kinumpirmaran daytoy ti manager-na a ni Rich Engel ngem saanna daytoyen a dinakamat ti nangitunda iti pannakatayna.
Napanawanna ti asawana a ni Chris Portuguese ken ti anakna a babai a ni Shauna Bofill.
Sumagmamano kadagiti sikat a kanta ti singer ket ti “Break It to Me Gently,” “I Try” ken “This Time I’ll be Sweeter” ken dadduma pay.
Kabayatanna, nagsasaruno met dagiti nangidanon ti pannakipagladingitda ken panagkararag apaman a naammoanda ti nasao a naladingit a damag.
