LAOAG CITY – Narekobre a maysan a nalamiis a bangkay ti maysa a lakay iti uneg ti balay na iti paset ti Barangay 2, San Baltazar iti ili a San Nicolas.
Nabigbig daytoy a ni Edison Castro y Malunao, agtawen iti 62, balo, construction worker ken residente met laeng ti nasao a lugar.
Iti imbestigasyon dagiti otoridad, nakita ti anak ti biktima a ni Eddie Castro y Ramos, 30, naasawaan ken tricycle driver a matmaturog ti ama na iti kusina da ken iti iyaasideg na ket narekobre na a saanen nga agang-anges daytoy.
Intaray da ti biktima iti Municipal Health Office ngem naideklara daytoy a pimmusayen gapu ti hypovolemic shock wenno ti upper gastrointestinal bleeding/bleeding varies/ secondary to Alcoholic Liver Disease.
Naamoan a ti nasao a biktima ket naigameren ti panaginom ti arak.
