LAOAG CITY – Maysa ti natay idinto nga uppat dagiti nasugatan kalpasan a dinarusdos ti maysa a dumptrcuk ti ancestral house ti pamilya ti dati a PBA player a ni Olsen Racela iti Barangay 5 iti ili ti Sarrat.
Nabigbig ti natay a ni Edwin Banao, driver ti dumptruck, taga Batac City idinto a dagiti nasugatan ket dagiti agnaed ti balay a da Mary Jane Ballesteros, agtawen ti 29, Marie Ballesteros, agtawen ti 19, John Roque Ballesteros, agtawen ti 47 ken ti agtawen ti tallo nga ubing.
Naamoan a bayat a dumaldalyasat ti truck iti agpababa ken agkurba a paset ti kalsada ti nasao a lugar ket nagderderetso daytoy iti nasao a balay.
Gapu iti daytoy, naipit ken natudok ti driver ti truck a nagresulta ti pannakatay na.
Segun ken ni Police Chief Inspector Roldan Suitos, hepe iti ili ti Sarrat, rumrumuar nga adda ti hypertension ni Banao ngem saanna pay a makumpirma no daytoy ti nangitunda ti pannaka-desgrasya na.
Innayon na a possible a mangipila da latta ti reklamo kontra iti agtagikua ti nasao a dumptruck.
