LAOAG CITY – Inrakurak ti indie rock band nga “Ang Bandang Shirley” ti panagsisinada.
Iti online account ti banda, inpadanonda ti saan a napintas a damag.
Maysa kadagiti rasonda ket ti pannakairaman iti kontrobersia ti maysa kadagiti miembro dagitoy.
Iti napagtipon a rakurak dagiti miembro nga isuda Debb Acebu, Paolo Arciga, Miggy Abesamis ken Kathy Gener a saandan a kabaelan nga itultuloy ti banda gapu iti alegasion kontra iti dati a miembroda a ni Ean Aguila idi Enero.
Saanen a dinakamat pay ti grupo ti nasao nga alegasion no sadinno nga immunan a timmalaw iti banda ni Aguila.
Idi 2003 ti nangrugi ti banda ken dagiti sumagmamano a pinasikatda ket ti “Umaapaw,” “Nakauwi Na,” “Siberia” ken dadduma pay.
