LAOAG CITY – Mapagam-amkan a maikkat ti Los Angeles Lakers iti umuna nga elimination round ti 2025 playoffs kalpasan a limmamang manen ti Minnesota ti Game 4 ti nasao a serye iti iskor a 116 – 113.
Indauloan manen ni Anthony Edwards ti Wolves ken kimmamada isuna ti 43 points, siam a rebounds ken innem nga assists iti uneg ti 44 a minuto a panagay-ayam.
Nasayang ti baro a performance ti Lakers superstar a da Lebron James ken Luka Doncic kalpasan a saan a nalappedan ti 4th quarters scoring spree ti Minnesota.
Kimmamada ni Doncic ti 38 points idinto a 27 points, 12 rebounds ken walo nga assists ti naaramid ni Lebron.
Iggem ti Lakers ti 10-point lead iti panaglippas ti 3rd quarter iti iskor a 94 – 84 iti tulong metten ti episiente a 3rd quarter scoring run ti nasao a koponan.
