LAOAG CITY – Inburay ti maysa kadagiti apoko iti maikainem a kapututan ni Dr. Jose Rizal a kalikagumna a sursuren dagiti monumento ti lolona a ni “Lolo Pepe.”
Inbatad ni Maxine Cruz nga aggapu iti bloodline ti kabsat ni Rizal a ni Maria a karaman ti bucket list-na a sursuren ti amin nga istruktura ni Dr. Jose Rizal.
Inpettengna a karaman dagiti planona ti panagbisitana kadagiti dadakkel ken babassit nga estatua ni Rizal iti nagduduma a paset ti pagilian.
Kunana nga ita a maika-165 nga aldaw a panagkasangay ti lolona ket gagemna ti saan laeng a pumasiar no diket addangna daytoy tapno iti panangammiris kadagiti naaramid ti puonna kas paset daytoy ti pakaistoriaan ti sibubukel a pagilian.
Kabayatanna, basar iti datos ti National Historical Commission of the Philippines ket sumurok 100 ti monumento ken estatua ni Rizal a nakapatakder iti nagduduma a paset ditoy pagilian ket karaman ditoy ti nalatak a monumento iti Luneta, Calamba ken Zamboanga.
