LAOAG CITY – Arig a ti Pilipinas laengen ti awanan ti implementasyon ti death penalty kontra kadagiti maibilag a kriminal.
Daytoy ti inbatad ni Sec. Martin Andanar, iti PCOO kalpasan nga inrakurak ni Presidente Rodrigo Duterte iti maikalima nga State of the Nation Address nma idi kalman.
Iti ekslusibo nga interview ti Bombo Radyo Laoag kenni Sec. Andanar, kuna na a kalikagum ti presidente a maaddaan ti death penalty kontra dagiti druglord ken dagiti adda ti pannakainaig na iti iligal a druga.
Inbatad na a babaen iti daytoy ket awanen dagiti aggandat a mangiserrek ditoy Pilipinas dagiti iligal a druga ken saan a maiwaras.
Innayon ni Andanara dagiti inbaga ni Presidente Duterte iti SONA na ket pammaneknek nga adu dagiti naaramidan na para iti Pilipino.
