LAOAG CITY – Naglikudan ti aktres a ni Arra San Agustin dagiti agwarwaras a damag nga adda ti maipagarop a relasyon da iti aktor a ni Paolo Contis.
Rumrumuar pay a ni Arra ti makaigapu a nagsina da Paolo ken ni Yen Santos.
Iti isasango ni Arra iti “Fast Talk with Boy Abunda”, nasaludsud kenkuana no pudno nga adda ti relasyon da ken ni Paolo, banag nga alisto a sinungbatan ti aktres nga awan ti kinapudno na daytoy nga isyu.
Maipalagip a tawen 2023 paylaeng idi rimuar dagiti ispekulasyon maipanggep iti maipagarop a relasyon da Arra ken Paolo idi nagkadwa da kas host ti maysa a dati a noontime show.
Nupay kasta, inlawlawag ni Arra a love triangle skit laeng wenno kunwari laeng ti panagsinsinnutil da iti nasao a show a kadwa da ti komedyante a ni Betong Sumaya.
Binabalaw pay ni Arra dagiti tattao a manged-edit kadagiti ladawan da a dua ken ni Paolo nga isu ti agwarwaras kalpasan na ket maiyar-aramidan da ti articles nga isuna ti third party iti panagsina ti aktor ken ni Yen.
