LAOAG CITY – Inpetteng ni Presidente Ferdinand Marcos Jr. a saanna nga ipila iti babaen ti gobiernona ti aniaman nga arrest warrant manipod iti International Criminal Court kontra ken ni dati a Presidente Rodrigo Duterte.
Inrakurak daytoy ni Presidential Communications Office Secretary Cheloy Garafil iti baet dagiti addang ti Department of Justice nga agisagana ti briefer kadagiti legal nga opsion a mausar ni Marcos no bilang mangiruar ti arrest warrant ti International Criminal Court kontra ken ni dati a Presidente Duterte.
Inbatad ni Garafil, maysa nga abugado a ti panagbriefer ket saan a maysa a panagbalbaliw iti posision ti administrasion Marcos.
Kabayatanna, nangipakita iti panagamak ni Sen. Francis “Chiz” Escudero iti rakurak ti Department of Justice maipapan iti panagsagsaganada para iti maysa a “legal briefing” para iti Presidente seknan iti isyu ti International Criminal Court.
Kuna ni Escudero, ti nasao a rakurak ket saan a makatulong tapno agbalin a napintas ti relasion ti Presidente kadagiti Duterte.
Masdaaw pay ni Escudero no apay a kasapulan pay ti agpaayab ti maysa a press conference ti Department of Justice para iti maysa a normal a procedure.
