LAOAG CITY – Narisgo iti salun-at ti artipisial a pampasam-it no sadino mas mangitunda daytoy ti peggad iti cardiovascular disease.
Ti ‘artificial sweeteners’ ket alternatibo iti asukar tapno sumam-it ti makan ken mainum ken naaramid daytoy iti kemikal ken natural substances nga addaan ti bassit a calories maidasig iti asukar.
Naruay a tattao ti agkonkonsumo ti artipisial a pampasam-it tapno makontrol ti blood sugar-da ken malimitaran ti panagkonsumo daytoy.
Iti kaudian a panagsukisok, napaneknekanen a ti artificial sweeteners ket mabalin a mangitunda ti sakit iti puso ken stroke a basar iti British Medical Journal study ket nasurok 23 a ribu a produkto worldwide ti agus-usar iti daytoy.
Iti naisayangkat a panagadal idi 2009 kadagiti nakipaset a nakakumpleto ti lima a saludsod iti online questionnaires maipanggep iti diet, health, lifestyle ken physical activity-da, nasaludsod pay kadakuada maipapan iti sociodemographic data kas ti edukasion ken trabaho.
Kabayatanna, iti pakabuklan ket adda ti 37% ti nakipaset nga agkonkonsumo ti artificial sweeteners ket napaneknekan a nangato ti peggad a ma-stroke.
