LAOAG CITY – Kinumpirmaran ni Ashley Ortega nga adda ti relasionda iti kapadana a Kapuso star a ni Mavy Legaspi.
Inbatad ni Ashley a nabayagen nga agam-ammoda ken ni Mavy gapu kadagiti common friends dagitoy ngem iti napalabas a tawen ket adda dagiti gundaway a rumrummuarda nga isuda laeng a dua.
Inlawlawag ni Ashley nga agpadada a single ni Mavy idi agdesision dagitoy a rummuar ken am-ammoen ti tunggal maysa.
Kayatna a saoen, nagsinada idin ken ni Ashley iti ex-boyfriend daytoy a politician a ni Mayor Mark Alcala ti Lucena City, Quezon idinto a ni Mavy ket ti ex-girlfriend daytoy a ni Kyline Alcantara.
Naammoan a ti “Sparkle” ti talent management arm ti Kapuso Network nga isu ti mangbaybayabay iti showbiz career ni Ashley.
