LAOAG CITY – Manamnama a sumangpet iti Rehiyon 1 ita nga aldaw ti maikadua a bansada ti covid-19 vaccine.
Daytoy ket pakadagupan ti 25,600 doses ti Astrazenca Vaccine nga immunan a naawat ti pagilyan idi Lunes.
Naamoan a manipod iti nasao a bilang, 24,400 doses ti maipaay kadagiti medical frontliners , 1,200 doses kadagiti kameng ti Armed Forces of the Philippines (AFP) ken 600 doses iti Naval forces Northern luzon.
Nu pay kasta, saan pay a masinunuo nu mano a doses ti maipaay ditoy probinsya nga Ilocos Norte.
Maipalagip nga immunan a naawat ti Rehiyon 1 ti Sinovac Vaccine ti China nu sadino nga addan ti 1,425 ti nabakunaan.
