Ummuna iti listaan ti sakit nga atake ti puso, istrok ken diabetes dagiti kangrunaan a sakit a mangpapatay kadagiti Pilipino dioty pagilian.
Segun ken ni Health Secretary Ted Herbosa, nakapokus ni Presidente Bongbong Marcos iti promotional healthcare ken prevention tapno malabanan dagitoy a sakit.
Nupay top killers dagiti nadakamat a sakit, kinuna ni Herbosa a malapdan dagitoy.
Inbinglay ti sekretario ti wagas tapno maliklikan daytoy babaen ti panangsurot iti TED: Umiso a taraon, liklikan dagiti nasam-it nga naapgad ken nataba a taraon; Agehersisio iti di kumurang a 30 a minuto iti kada aldaw; ken Disiplina iti bagi, liklikan dagiti bisyo kas iti sigarilio, arak, ken illegal a droga.
Innayon ni Herbosa, nga uray ti implementasyon dagiti lokal a gobierno ket saan a direkta a health care ngem dakkel ti maitulongda iti salun-at dagiti Pilipino, kas iti pannakailatang dagiti bike lanes, tapno maparegta ti publiko nga ad-adda nga aggaraw.
