LAOAG CITY – Manamnama nga umawat ti cash incentives dagiti atleta ti pagilian a sumabak iti Paris Olympics.
Inbatad ni Philippine Sports Commission Chairman Richard Bachmann a ti nasao a cash incentives ket maawatda sakbay pay a maiyuswat ti kompetision.
Ti nasao a cash incentives ket manipod kadagiti Senador kas da Senador Risa Hontiveros, Senador Bong Go ken dadduma pay.
Addan ti napirmaan a cheque ti Philippine Sports Commission Chairman nga agdagup ti 30 a milyon a pisos.
Maipalagip nga iti agdama ket adda ti 15 nga atleta ti makipaset iti Paris Olympics a pakairamanan da pole vaulter EJ Obiena; gymnasts Carlos Yulo, Aleah Finnegan, Levi Ruivivar, ken Emma Malabuyo; boxers Aira Villegas, Nesthy Petecio, Hergie Bacyadan, Eumir Marcial and Carlo Paalam; rower Joanie Delgaco; weightlifters Vanessa Sarno, John Ceniza, ken Elreen Ando ken fencer Sam Catantan.
Mangnamnama ni Philippine Olympic Committee President Abraham Tolentino a mabalin a manayunan pay ti bilang dagiti atleta a makibinnalubal.
