LAOAG CITY – Maysa nga agtawen iti 32 nga American athlete ti nakairekord ti world record iti sports nga Skateboarding iti baet ti rangkap ti bagina.
Kinumpirmaran ti records keeping organization a Guinness World Records a ni Kanya Sesser ti baro a world record holder iti titulo a “Longest Handstand on Skateboard” kalpasan a nakabalanse usar dagiti imana iti maysa nga skateboard iti uneg ti 19.65 seconds.
Naipasngay ni Kanya idi 1992 idiay Pak Chong, Thailand nga awan ti luppona. Inbati isuna dagiti pudnona a nagannak iti maysa a Buddhist temple tapno ipaampon kadagiti monghe.
Agtawen isuna ti lima idi amponen dagiti agasawa nga Amerikano ken intugotda isuna idiay Portland, Oregon. Pinadakkelda ni Kanya babaen kadagiti adoptive parents-na nga agbalin a naragsak ken confident iti baet ti rangkap ti bagina.
Malaksid iti skateboarding, nagbalin a miembro met ti cheerleading team ni Kanya ken makilablaban isuna kadagiti sports a wheelchair track racing.
