LAOAG CITY – Kinumpirmaran ni Department of the Interior and Local Government (DILG) Secretary Jonvic Remulla a dandani a naarestarda ti pugante a ni Charlie Atong Ang.
Segun iti sekretario, adda ti naawatda nga impormasion a paglemlemmengan ti nasao a negosiante.
Nupay kasta, apaman a nakadanon iti lugar dagiti otoridad ket saandan a nakita ni Ang.
Maipalagip a maitudtudo ni Ang nga adda iti likudan ti pannakapukaw dagiti mammallot nga addan ti sumagmamano a tawenen ti napalabas nga adda ti naited a gunguna a P20 milyon ti asinoman a makaipaay ti impormasion ti ayanna.
Naiget met a naglikudan ti kampo ti negosiante ti nasao nga alegasion.
