LAOAG CITY – Kinumpirmaran ti negosyante a ni Atong Ang nga adda ti relasyon da iti aktres a ni Sunshine Cruz.
Sakbay iti daytoy, nagwaras iti social media ti video clips a panangagek ni Sunshine ken ni Atong iti maysa nga event.
Iti maysa a video, makita a nagna ni Sunshine a nagturong iti ayan ni Atong a nakatugaw ken inagkan na daytoy.
Malaksid iti daytoy, adda pay ti maysa a video no sadinno a ni met Atong ti napan iti lugar ni Sunshine a nakatugaw metlaeng ken inagkan na ti aktres.
Maipalagip a dati a kasar ni Sunshine iti aktor a ni Cesar Montano, ken addaan da ti tallo nga annak a babbai.
Kabayatanna, dati met a nainaig ni Atong iti aktres a ni Gretchen Barretto ngem awan ti kumpirmasyon manipod iti agsinnumbangir a partido.
