LAOAG CITY – Inbatad ni Atty. Charito Malicad kadagiti empleyado ti Business Permit and Licensing Office a saanna a kayat ti illegal nga aramid iti uneg ti nasao nga opisina.
Inaramid na daytoy apaman a nangrugi a nagtakem kas Officer-In-Charge iti Business Permit and Licensing Office iti gobierno lokal ditoy ciudad ti Laoag.
Segun ken ni Malicad, sakbay a nadutukan kas Officer-In-Charge iti nasao nga opisina ket adda dagiti usinggguseng a maipagarop nga agaw-awat ti pasuksok dagiti sumagmamano nga empleado tapno alisto ti pannakaiproseso dagiti business permits da.
Nupay kasta, kuna na nga iti panagimbestigar na ket awan met ti napaneknekan ken naduktalan na nga agar-aramid iti kastoy nga aktibidad.
Mainaig iti daytoy, inpasigurado ni Malicad a naan-anay a maliklikan ti addang apaman a mangrugi a maiyimplementar ti baro a sistema intono Enero 2, 2026 manipod iti Department of Information and Communications Technology.
Iti babaen daytoy, kunana a saanen a kasapulan pay nga agturong iti opisina da dagiti tatttao tapno agrenew ti business permit da no di ket i-upload da laeng dagiti dokumento iti online ken ditoy metten ti pakaaprubaran na no kompleto laketdi dagiti isumitir da.
