Nadutokan ni Atty. Charito Malicad, officer in-charge ti Business Permit and Licensing Office ditoy siudad ti Laoag kas Presidente ti Association of Business Permit and Licensing Office ditoy probinsia.
Daytoy ket babaen ti Provincial Government ken iti Department of Interior and Local Government.
Segun ken ni Malicad, ti pannakabuo ti grupo ket tapno naurnos ken napintas ti panagkikinnammayet ti tunggal maysa kangrunaan no adda dagiti problema a masapul a solusionan.
Mainaig iti daytoy, kinunana a ti pannakai-plastar ti Association of Business Permit and Licensing Office iti probinsia ket manamnama a maaramid iti Constitution and by Laws no sadinno a ditoy a naka-dependar dagiti programa ken aktibidad dagiti umili.
Kabayatanna, innayonna pay nga addanto ti pormal a panagsapatada nga official ti Association of Business Permit and Licensing Office babaen ken ni Governor Cecilia Araneta Marcos kadagiti sumarsaruno nga aldaw.
