LAOAG CITY – Binabalaw ni Atty. Ferdinand Topacio iti panangarestar dagiti otoridad iti Ninoy Aquino International Airport (NAIA) 3 ken ni retired General Romeo Poquiz.
Daytoy ket adda ti pakainaiganna kadagiti kaso a rebellion ken sedition nga inpila ti gobierno kontra ken ni Poquiz.
Inbatad ni Topacio a nakaro unay ti pannakaarestar ken ni Poquiz ken saan man laeng nga inpalubos ti Philippine National Police nga asitgan ti klientena.
Manipud iti Ninoy Aquino International Airport ket inturongda iti Camp Karingal para iti pannakaiproseso ken manipud iti kampo ket ikabil isuna iti Quezon City Regional Trial Court (RTC) Branch 77 para iti panangipila ti piyansa.
Ni Poquiz ti mangidadaulo ti United People’s Initiative (UPI) no sadinno a miembro met ni Topacio.
Naammoan a ti kasona ket adda ti pakainaiganna iti pannakipasetna iti anti-government rally idi Nobiembre no sadinno a maipagarup a ginutigotna dagiti suldado a tumakder kontra iti administrasion.
