LAOAG CITY – Kinumpirmaran ni Atty. Joel Marquez, residente idiay Barangay Mindoro iti ciudad ti Vigan, Ilocos Sur a manarimaan na nga isagsaganan ti reklamo nga ipila na kontra kdagiti dua a pulis ti PNP-Batac.
Daytoy ket pakaseknan ti maipagarop nga arig na ilemlemmeng na ni Sherwin Riñen iti Barangay Saud iti ili ti Badoc, ti maitudtudo a suspek iti pammaltog a nakatayan ti Randel Villaruz ken nakasugatan ni Teodoro Dagupion.
Segun kenni Maquez, saan nga agpayso a ti motorsiklo nga adda iti sango ti balay da iti Oktubre 1 ti nausar iti krimen gapo ta kukua ti karruba da.
Gapo iti daytoy, kunana nga arig na agilemlemmeng ti maysa a kriminal gapo iti akusasyon ken arig na pamerperdi iti biang na.
Inpetteng a ni Riñen ket kadwa na nga agmalmelem ken kunana nga awan ti basol ti maitudtudo a suspek.
Nasakit ti nakem ni Marquez gapo ta saan a naikkan ti tyansa ti maseknan a mangipaay ti statement no diket tiniliw da lattan ni Riñen ken naikabil idiay ciudad ti Batac.
Innayon na nga arig na grupo ti kriminal ti kakadwa na gapo iti joint affidavit.
