LAOAG CITY – Pormalen nga indeklara ni Sangguniang Panlalawigan Member Saul Paulo Lazo iti Bombo Radyo Laoag nga agpaidasig kas Bokal iti umuna a distrito para iti mapaspasangasangan a 2025 Midterm Elections.
Inbatadna nga adda pay maysa a termino iti agdama nga akemna isu nga itultuloyna daytoy tapno matulungan dagiti naruay nga umili.
Inlawlawagna a dakkel a pagyamananna no ipaayan isuna dagiti kakailian a maipatugaw manen kas kameng ti hunta probinsial.
Innayonna a ti panagserbina kadagiti umili ket maysa nga ay-ayatenna a trabaho malaksid iti panagtakemna kas maysa nga abugado.
