LAOAG CITY – Ibilang ni Atty. Charito Malicad, City Tourism Officer ditoy siudad ti Laoag a maysa a dakkel a pannubok kenkuana ti panagbalinna kas baro a mangidaulo ti City Tourism Office.
Segun kenkuana, daytoy ket kalpasan a saan a nalaka ken dakkel ti responsibilidad ti maysa a Tourism Officer.
Nupay kasta, nagyaman ni Malicad iti talek nga inpaay kenkuana ti Local Chief Executive ditoy siudad ti Laoag gapu ta isuna ti napili a mangidaulo iti nasao a pangopisinaan.
Mainaig iti daytoy, inpasingkedna nga aramidenna ti amin a kabaelanna tapno maipadanon ti napintas a serbisio kadagiti umili nangruna iti pannakaisayangkat ti Pamulinawen Festival.
Maipalagip a ni Atty. Malicad ket dati a mangidadaulo ti Communications and Media Office.
Kabayatanna, iti agdama ket awan pay ti baro a nadutokan nga Officer In Charge ti Communications and Media Office.
