LAOAG CITY – Maibilangen nga out of danger ni Atty Jason Perera kalpasan ti pannakapalto-paltog na itay kallabes.
Inlawlawag ni Dr. Roger Braceros, chief of hospital ti Gov. Roque Ablan Senior Memorial Hospital a ti kangrunaan a preb-prebentaran da ket ti infection.
Daytoy ket seknan ti ad-adda a mangitunda kenni Atty. Perera ti panagrisgo.
Kunana a daytoy ti rason no apay a limitado laeng dagiti tattao a makastrek iti nasao a kwarto.
Naamoan a makitan a pimmigsan ti abogado ken mabalin nga iti sumarsaruno nga aldaw ket padasen da a papagnaen ken ikkaten da ti tubo a nakakabit a tulong iti panaganges na.
Kabayatanna, kiniddaw dagiti doktor ken ti pamilya Perera a saan pay laeng a mapagsarita ti napaot gapo ta posible a mabannog ti abogado.
