LAOAG CITY – Agtultuloy nga am-ammoen dagiti otoridad idiay Michigan ti motibo ti suspek kalpasan a ginandatna a dungparen ti Temple Israel synagogue.
Basar iti imbestigasion dagiti otoridad, insigida a nakita dagiti security guards a naka-deploy iti lugar isut gapuna a pinaltu-paltoganda ti suspek agingga a natay daytoy.
Awan ti nairekord a nasugatan iti nasao a lugar no sadinno a nakarekobre pay dagiti otoridad ti sumagmamano a pagpabettak iti uneg ti kotse ti suspek.
Alisto nga inbakwit dagiti otoridad dagiti agad-adal gapu iti insidente.
Iti agdama, addan dagiti naiwaras a kapulisan iti lugar tapno mapagtalinaed ti kinatalged dagiti umili.
