LAOAG CITY – Kiniddaw ni Atty. Israelito Torreon iti Department of Justice (DOJ) nga ibasura ti kaso nga obstruction of justice kontra kenkuana nga inpila ti Philippine National Police-Criminal Investigation and Detection Group (PNP-CIDG).
Ti reklamo ay ket adda ti pakainaigan ti pananggandat a panangarestar idi 2024 ni Pastor Apollo Quiboloy, a lider ti Kingdom of Jesus Christ (KOJC).
Iti counter-affidavit nga insumitir na, inpetteng ni Torreon a natignay laeng daytoy kas maiyataday iti responsibilidad na kas abogado iti operasyon ti nailian a pulisya idi Agosto 24, 2024 iti compound ti Kingdom of Jesus Christ idiay Davao City.
Kuna na a ti inaramid na ket tapno protehiran ti kliyente na ken masigurado ati kinatalged ti publiko iti uneg ti compound.
Dinakamat na pay ti timing ti reklamo kas maysa nga isyu.
Basar iti abogado, daytoy ket naipila laeng kalpasan a naibasura dagiti immuna a kaso kontra kenkuana.
Maipalagip nga inpila ti PNP-CIDG ti reklamo idi Disyembre 2025, a mangak-akusar ken ni Torreon ti panaglabsing iti Presidential Decree No. 1829, a mangdakdakamat ti obstruction of the apprehension and prosecution of criminal offenders, mainaig iti inaramid na idi gandaten da nga arestaren ni Quiboloy.
Ni Quiboloy ket agdama a nakabalud iti Pasig City Jail, ken sumangsango iti kaso a maipagarop nga human trafficking ken child abuse.
