LAOAG CITY – Inbatad ni PMaj. Joseph Tayaban, ti hepe ti PNP-Badoc nga awan pay dagiti bus a nakikoordenar a sumrek ditoy probinsya.
Daytoy ket iti laksid a nangrugin idi kalman ti panagsubli ti operasyon dagiti povincial public utility buses.
Nu pay kasta, kuna na a nakasaganan dagiti kameng ti PNP para iti panagbantay ti border kangrunaan na kadagiti manamnama nga agsangpet manipod iti nagduduma lugar.
Innayun na nga adda ti sabli nga espasyo para kadagiti bus nga agsangpey bayat ti pannakainspeksyon dagitoy iti border.
Mainaig iti daytoy, inlawlawag na a sabali ti pagtalinaedan dagiti returning residents ken iti Garlic Tourist Center met iti ili ti Pinili ti pannakainspeksyonan dagiti pasahero nga APOR ken turista sakbay ti pannakaitulod da ditoy siudad ti Laoag wenno iti ili ti Pagudpud.
Kuna pay ni Tayaban nga agtultuloy ti pannakikoopear da iti biang ti Metro Ilocos Norte Council ken iti Office of the Barangay Affairs (OBA).
