LAOAG CITY – Makawa dagiti mangbukbukel iti grupo ti ili ti Badoc iti pannakabalbaliw ti entablado a pagpabuyaan dagiti nagduduma a partisipantes iti Tan-ok ni Ilokano Festival of all Festivals.
Daytoy ti inpakaammo ni Mr. Jade Caezar Raquel, Municipal Tourism Officer iti ili ti Badoc.
Kuna na nga iti baet daytoy ket saan nga isu ti agbalin a lapped tapno maitandudo ti kinapintas ti kultura ken tradisyon iti ili da.
Nagyaman met ni Raquel iti suporta dagiti pagadalan ken dagiti opisyal iti ili ti Badoc.
Innayon na nga adda dagiti agbalbalin a karit kadakwada kabayatan ti panangbukel ti performance da ngem kabaelan da a malasatan dagitoy babaen ti panagtitinulong da kadagiti performers, choreographers storytellers ken dadduma pay a paset ti grupo nga agpabuya iti Tan-ok Festival.
Mainaig iti daytoy, kuna ni Raquel a kas ti dadduma nga ili ket kalikagom da ti agkampeon ita a tawen.
