LAOAG CITY – Natalna pay laeng ti segundo distrito kangrunaan na iti area of operation ti second force company.
Daytoy ti kinumpirmaran ni Police Chief Inspector Rodelio Santos, Command officer iti Provincial Force Mobile Company iti second district.
Nupay kasta, kuna ni Santos nga adda dagiti tattao a subject for monitoring da a posible a maaramat iti umasideg a 2019 midterm elections.
Inpetteng na nga awan pay ti kumpirmado a mabukbukel a grupo ngem adda laeng dagiti maipadpadanon kadakuada a report.
Nagkedked met ni Santos a mangirakurak no anya a lugar iti segundo distrito ti monmonitoren da.
