LAOAG CITY – Agpapan ita ket saan pay a nabigbig dagiti suspek a nangserrek ti Laoag Newton and Construction Supply iti paset ti Brgy 51-A, Nangalisan ditoy ciudad ti Laoag a kukua ni Atty. Calvin Ed Chua.
Nupay kasta, nakarekobre dagiti otoridad ti lima a pidaso ti sako nga addaan ti maysa a screw driver nga agatiddog ti 17 a pulgada, dua a pidaso a gloves ken sako nga agmaris ti orange iti kanal ti establisyimento.
Malaksid iti daytoy, nakaala da pay ti dua a pidaso a tray, galloon wenno nagudwa a container, electric drill ken dadduma pay iti amianan a paset ti drainage canal nga agarop 200 a metro ti kaadyo na manipud iti establisyimento.
Naamoan a dagiti narekobre a mapapati nga inusar dagiti suspek ket dumalan ti eksaminasyon.
Umabot met ti 100 a ribo a pisos ti mapukpukaw kalpasan ti panagtatakaw.
