LAOAG CITY – Umabot iti nasurok a 10 a tattao ti natay idinto a naruay a sabsabali dagiti nasugatan kalpasan ti maysa nga airstrike ti Israel iti asideg ti pagadalan a pagnanaedan dagiti nagbakwit a Palestino.
Napasamak ti panagatake iti abagatan a paset ti Maghazi refugee camp iti Gaza Strip, no sadinno a maibagbaga a naaddaan paylaeng ti riribok iti nagbaetan dagiti residente ken ti maysa nga Israeli-backed militia a maipagarop a nanggandat a mangkidnap iti sumagmamano nga indibidual.
Basar kadagiti testigo ken medic, kabayatan ti riribok ket nagpaputol ti Israeli drones ti dua a missile a timmama iti nasao a komunidad a pagnanaedan dagiti displaced residents.
Awan pay ti opisyal a rakurak ti Israeli military mainaig iti insidente.
