LAOAG CITY – Awan pay ti pinal a katulagan iti nagbaetan ti Pilipinas ken Russia mainaig iti suplay ti produkto a petrolyo.
Daytoy ti nagbalin a rakurak ni Presidente Ferdinand Marcos Jr.
Segun iti presidente, agtultuloy nga agbirbiruk ti Pilipinas kadagiti alternatibo a pagalaan ti langis tapno masigurado nga adda ti umdas a suplay iti pagilian, aglalo iti panawen ti krisis.
Nupay kasta, kuna ti presidente a silulukat ti gobierno ti Russia iti panangpalawa ti relasyon iti Pilipinas no maipanggep iti suplay ti produkto petrolyo.
Inlawlawag met ti presidente a dagiti nagbalin a transaksyon da idi iti Russia ket temporaryo laeng ken awan ti permanente a sistema.
Inpakaammo na agdaman a mabukbukel ti naur-urnus a nayun a pagalaan ti langis no maaddaan manen ti krisis iti suplay iti intero a lubong.
Innayon ni Presidente Marcos nga awan pay ti desisyon no regular a mangala ti langis ti Pilipinas manipod iti Russia gapu ta adda dagiti politikal ken geopolitical a konsiderasyon a rumbeng nga adalen.
