LAOAG CITY – Inbatad ni Atty. Neri Colmenares, Chairman ti Bayan-Muna a para kenkuana ket awan ti problema ti pannakapili ni Senador Vicentito Sotto III kas baro a senate president.
Inlawlawag na nga awan ti makita na a dakes no saan a maysa nga abogado ni Sotto.
Segun kenkuana, kaadoan kadagiti nagserserbi a senate president ket abogado ngem para kenkuana ket saanna a kayat nga husgaran ti siasinno man babaen ti profession na.
Inadmitir na a no adda ti impeachment ket narigat no saan nga abogado ti senate president gapu ta isuna ti ag-preside.
Nupay kasta, mamati nga awan ti agbalin a problema ni Sotto no awan ti impeachment.
