LAOAG CITY – Kinumpirmaran ni Major Erikson Bolusan, ti pannakangiwat iti Northern Luzon Command a saan a pudno a kameng ti New People’s Army (NPA) dagiti makitkita nga agbasak-basak ditoy probinsya kangrunaan na iti ili iti Dingras.
Inlawlawag na nga iti sumagmamano nga aldaw a panag-validate da ket napaneknekan nga awan pay dagiti kameng ti NPA nga agop-operar iti Ilocos Sur ken Abra nga immakar ditoy probinsya.
Mamati ni Bolusan a dagiti makitkita nga armado a grupo iti ili ti Dingras ket agpampammarang wenno us-usaren da laeng ti nagan ti NPA para iti bukod da nga interest.
Innayon na a mabalin a dagitoy ket miembro iti Private Armed Group (PAG) dagiti kandidato wenno dadduma pay nga organisasyon wenno indibidual.
