LAOAG CITY – Inbatad ni Atty Hermie Labayug, legal counsel ti kapitolyo ti Ilocos Norte a saan na a masungbatan ti maipagarop a nagbaliw ti subpoena a napirmaan iti Kongreso.
Daytoy ket kalpasan a rimuar ti damag a ti pinirmaan ni House Speaker Pantaleon Alvarez ket “subpoena ad testificandum” no sadinno a masapol nga agatendar ni Gov Imee Marcos iti panagdengeg ti House Committee on Good Government and Public Accountability.
Kuna ni Labayug a ti naawat da ket “subpoena duces tecum” no sadinno a ti masapol nga isumite ket dagiti dokumento mainaig iti isyu a “misused of funds”.
Nupay kasta, ipakita na pay laeng ti subpoena kenni Gov Marcos sakbay ti aniaman nga addang seknan ti panangukkon kadagiti kasapulan a dokumento.
Innayon ni Labayug a kayat ti gobernador ti sumango ngem saan na a kayat a maapektaran dagiti addang ti legal team.
