LAOAG CITY – Inbilin ni Israeli Prime Minister Benjamin Netanyahu ti panangraot da iti southern suburbs ti ciudad ti Beirut a kabisera ti Lebanon.
Daytoy ket kalpasan a kumarkaro ti riribok iti nagbaetan da iti armed group nga Hezbollah.
Inpetteng ni Netanyahu a dagiti target da a terorista iti kuta ti Hezbollah iti Dahieh ket masapol a rauten da kas panagibales iti naipatungpal a rocket ken drone attacks kontra kadagiti sibilyan iti Israel ken dadduma pay a panaglabsing iti ceasefire a nairakurak idi katengngaan ti Abril a napaay a nangileppas ti rinnupak.
